Main page / Neapolitan songs / Santa Lucia luntana

Santa Lucia luntana

Enzo Fusco con accompagnamento d'orchestra • Societa Italiana di Fonotipia A 2071 (pho 5662)
?-?-1924 • Collection: S. Blinov • Rate:

Currently 4/4 Stars.
1
2
3
4

• Download mp3

Words: E. A. Mario. Music: E. A. Mario

Partono ’e bastimente
pe’ terre assaje luntane…
Càntano a buordo: sò napulitane…
Càntano pe’ tramente
’o golfo già scompare
e ’a luna, ’a miezo ’o mare,
nu poco ’e Napule
lle fa vedè…

Santa Lucia,
luntano ’a te
quanta malincunia!
Se gira ’o munno sano,
se va a cercà furtuna,
ma, quanno sponta ’a luna
luntano ’a Napule
nun se po’ sta!

E sònano… Ma ’e mmane
trèmmano ‘ncopp”e ccorde …
Quanta ricorde, ajemmè,
quanta ricorde…
E ’o core nun ’o sane
nemmeno cu ’e ccanzone:
Sentenno voce e suone,
se mette a chiàgnere
ca vò turnà…

Santa Lucia tu tiene
sulo nu poco ’e mare…
ma, cchiù luntana staje, cchiù bella pare…
E’ ’o canto d’’e Ssirene
ca tesse ancora ’e rrezze!
Core, nun vò ricchezze:
si è nato a Napule
ce vò murì!

’O sole mio • Back • Ti saluto! (vado in Abissinia!)